Хабарлар

Қўшработ туман давлат архивида Самарқанд вилояти архив иши ҳудудий бошқармаси бошлиғи А.Маманазаров сайёр қабули режалаштирилди

05-05-2021 09:50   882

САМАРҚАНД ВИЛОЯТИ АРХИВ ИШИ ҲУДУДИЙ БОШҚАРМАСИ БОШЛИҒИ А.МАМАНАЗАРОВ САЙЁР ҚАБУЛИ РЕЖАЛАШТИРИЛДИ

Жорий йилнинг 12-май куни соат 10:00 да “Ўзархив” агентлиги директори томонидан тасдиқланган Самарқанд вилояти архив иши ҳудудий бошқармаси бошлиғининг 2021 йилнинг I ярмида вилоятдаги шаҳар ва туманларда жисмоний ва юридик шахсларни қабул қилиш бўйича шахсий сайёр қабул жадвалига мувофиқ Қўшработ тумани давлат архивида Бошқарма бошлиғи А.А.Маманазаров томонидан сайёр қабули ўтказилади.

Манзил: Самарқанд вилояти, Қўшработ тумани, Ғ.Ғулом кўчаси 3-уй
Мурожаат учун тел: +998 (66) 646 12 19

---

2021-йил I-чорак давомидаги ижтимоий-иқтисодий фаолият якунларига бағишланган (масофавий, “Zoom” иловаси орқали) Кенгаш йиғилиши ўтказилиши режалаштирилди.

04-05-2021 07:52   871

Эълон, Самарқанд вилояти архив иши ҳудудий бошқармаси томонидан бошқарманинг  2021-йил I- ярим йиллигига мўлжалланган Асосий иш иш режасига асосан жорий йил  6-май куни 2021-йил I-чорак давомидаги ижтимоий-иқтисодий фаолият якунларига бағишланган (масофавий, “Zoom” иловаси орқали) Кенгаш йиғилиши ўтказилиши режалаштирилди.

---

Иккинчи жаҳон уруши қатнашчиси Cанаев Ғулом

03-05-2021 09:45   981

Санаев Ғулом 1923 йилда Самарқанд вилояти Қорадарё (ҳозирги Каттақурғон) туманининг Йулдош Охунбобоев жамоа хужалигида, Қуштегирмон қишлоғида туғилган.

1942 йил май ойида иккинчи жаҳон урушида қатнашиш учун харбий хизматга сафарбар этилган.

1942 йил июль ойидан дастлаб Волхов фронтида 172 - рақамли  гаубица артелерия полки таркибида Ленинград шаҳрининг мудофаси учун олиб борилган жангларда қатнашган.

1 – чи Болтиқбуйи фронтида 10 гвардия артелерия бригадаси таркибида Болтиқбуйи Республикаларини немис – фашист босқинчиларидан озод этишда олиб борилган жангларда қатнашган.

1943 йилда гвардия сержанти ҳарбий унвони берилган ва артелерия орудия командири этиб тайинланган.

1 - чи Беллоруссия фронтида 10 гвардия артелерия бригадаси таркибида Кенигсберг (ҳозирги Калининград) шаҳрини немис – фашист босқинчиларидан озод этишда олиб борилган жангларда иштирок этган.

 1944 – 45 йилларда 10 гвардия артелерия бригадаси таркибида Германия ҳудудини немис – фашист босқинчиларидан озод этишда ва Берлин шаҳрини забт этишда олиб борилган жангларда мардоновор иштирок этган.

1947 йил феврал ойида армия сафидан демобилизация қилинган ва иккинчи жаҳон урушида мардоновор иштироки учун қуйидаги давлат мукофотлари :

1)   “Жасоат” медали;

2)   “Ленинград мудофаси учун” медали;

3)   “Кенигсбергни озод этилганлиги учун” медали;

4)   “Берлинни озод этилганлиги учун” медали

5)   “1941 – 45 йилларда Улуг Ватан урушида Германия устидан қозонилган ғалаба учун” медаллари билан тақдирланган. 

Урушдан қайтгандан кейин бир муддат Й. Охунбобоев номли колхозда меҳнат қилган, лекин уруш вактида олган жарохатлари сабаб кўп вақт касал бўлиб ётган.  1981 йил 5 ноябрда вафот этган ва Каттақўрғон туманининг Муминхужа кишлогида дафн этилган. 

---

Иккинчи жаҳон уруши қатнашчиси Аҳмаджон Қурбонов

29-04-2021 12:11   945

Аҳмаджон Қурбонов 1921 йил Самарқанд вилояти Жомбой туманининг Хўжа қишлоғида деҳқон оиласида туғулган.

 Миллати ўзбек маълумоти ўрта махсус.

Душанбе ўқитувчилар тайёрлаш курсини битириб Кулоб вилоятининг Арал қишлоғида тарих ўқитувчиси бўлиб ишлаган. 1940 йилдан Қуролли Кучлар сафида Тамбов пиёда аскарлар ҳарбий мактабини битиргач 44-гвардиячи Барновичи ўқчи дивизияси 128-гвардиячи полкнинг 1-баталъони қумондони бўлган.

1944 йил сентябрь ойи бошларида Нарев дарёси бўйидаги жангларда катта жасорат кўрсатди. Гвардиячи майор А.Қурбонов бошқарган батальон жангчилари душманга қарши мардларча курашдилар. Улар душманнинг 6 танкини 4 бронетранспортёрини 13 пулемётини 200 дан кўп аскар ва зобитини йўқ қилдилар. А.Қурбонов 1945 йилнинг 6 февралида Полъшани фашистлардан озод этиш учун олиб борилган жангларда қаҳрамонларча ҳалок бўлган. Унинг жасади Грауденец уезди Шенай қишлоғидаги ўртоқлик қабристонида дафин этилган. Собиқ СССР Олий Совет Президиумининг 1945 йил 24 март фармони билан Қурбонов Аҳмаджонга (ўлимидан кейин) Совет Иттифоқи Қаҳрамони унвони берилди.

Ўзи тўғилиб ўсган давлат хўжалиги 2 ўрта мактаб Жомбойдаги марказий кўчалардан бири ўқувчилар оромгоҳи қаҳрамоннинг номи билан аталади.Давлат хўжалигида унинг нимҳайкали ва ўзи таълим олган мактабда ёдгорлик лавҳа ўрнатилган.

Бизни ижтимоий тармоқларда кўзатиб боринг. Каналимизга аъзо бўлинг

http://xotira.archive.uz/

https://archive.uz/

https://www.facebook.com/uzarxiv

Ўзбекистон Республикаси "Ўзархив" агентлигининг расмий канали https://t.me/uzarxivs

http://samarchive.uz/

https://www.facebook.com/samarchive

Самарқанд вилоят архив иши ҳудудий бошқармаси расмий канали https://t.me/sam_archive

---

Совет Иттифоқи Қаҳрамони Йўлдошев Файзулла

28-04-2021 12:24   962

Файзулла Йўлдошев 1912 йил 15 сентябрида Туркистон шаҳрида деҳқон оиласида туғилган.Миллати ўзбек, маълумоти олий.

Самарқанддаги педагогика билим юртини битириб, ўқитувчи ва мактаб директори вазифаларида ишлади.

1942 йил июн ойида Қуролли кучлар сафига чақирилди. 1-Украина фронтининг 38-армияси таркибидаги 180-ўқчи дивизияга қарашли полкда бўлинма командири бўлди. 1943 йилнинг 27 сентябрида катта сержант Ф.Йўлдошев Ново-Петров қишлоғида (Киевнинг шимолида) десантчилар гуруҳида Днепрдан кечиб ўтган. Бир неча марта разведкада бўлиб душман кучлари тўғрисида қимматли ва муҳим маълумотлар олишга эришган.

Жанг майдонларида кўрсатган жасурлиги юксак тақдирланиб, унга собиқ СССР Олий Совети Президумининг 1943 йил 29 октябрдаги фармони билан Совет Иттифоқи Қаҳрамони унвони берилди.

Урушдан кейинги йилларда Наманган туманида яшаган ва ўрта мактаб директори вазифасида ишлаган. Ленин биринчи даражали Ватан уруши, Қизил юлдуз орденлари ва қатор жанговар медаллар билан мукофотланган.

---

манба: Самарқанд вилояти архив иши ҳудудий бошқармаси ахборот хизмати

---

Иккинчи жаҳон уруши қатнашчиси Облоқул Ўрозбоевич Узоқов

27-04-2021 15:09   991

Облоқул Ўрозбоевич Узоқов 1922 йили Самарқанд вилояти Ургут туманидаги Қоратепа қишлоғида туғилган. Уруш бошланганда 19 ёшли Облоқул Самарқанддаги Ўзбекистон давлат университетининг 3-курсини тамомлаб, тўртинчи курсга ўтган эди. 1941 йили у армия сафига чақирилади. 1943 йил августидан бошлаб эса ҳаракатдаги жанговар армия таркибида хизмат қилади. 1940 йили партия аъзолигига қабул қилинган эди. Саводли, ёш жангчиларга маънавий мафкуравий устоз даражасидаги ёш Облоқул Узоқов 62-гвардия кавалерия полкининг 1-эскадрони командири бўлди. У 61-армия 7-гвардиячи кавалерия корпусининг 16-гвардиячи кавалерия дивизияси сафида Марказий фронтда жанг қилади. Гвардия сержанти Облоқул Узоқов Чернигов ерида Днепр дарёсидан ўтишда жасорат кўрсатади. 1943 йил 19 сентябрь куни Украинанинг Чернигов вилоятидаги Клочков қишлоғи учун бўлган жангда немисларнинг автоматчилари Облоқул Узоқов бошлиқ 1-эскадрон жангчилари ҳаракатини тўхтатиб қўяди. Шу қишлоқдаги “1 Май” совхози учун бўлган бу жангда жасур жангчи Облоқул Узоқов фашистлар тинмай отаётган пулемётга орқа томондан яшириниб келиб, бир нечта граната отади. Жангчиларимизни қириб турган душман пулемётининг “овози ўчирилади”. Шу куннинг ўзида Черниш қишлоғидаги кўча жангларида кавалерист жангчи яна бир жасорат кўрсатади. У бостириб келаётган немис аскарларини яқин келишга йўл қўйиб, кейин бир йўла  35 нафар фашист автоматчисини ер тишлатади.

Жасорат кетидан жасорат намуналари давом этар эди. 1943 йил 28 сентябрь куни кечаси сержант Облоқул Узоқов Днепр дарёсидан ўтиб, 1-эскадрон жангчиларини дарёдан ўтишга йўл қўймаётган душман пулемётини “тинчитади”.  СССР Олий Совети Президиумининг 1944 йил 15 январдаги фармони билан фашист босқинчиларига қарши курашда жанговар топшириқларни намунали бажарганлиги, кўрсатган жасорати ва қаҳрамонлиги учун гвардия сержанти Облоқул Ўрозбоевич Узоқов Совет Иттифоқи Қаҳрамони унвони, Ленин ордени ва “Олтин юлдуз” медали билан тақдирланади. Урушдан кейин Облоқул Узоқов колхоз раиси лавозимида, партия-хўжалик ишларида хизмат қилди. Фарғона вилояти Данғара посёлкасидаги кўчалардан бирига Совет Иттифоқи Қаҳрамони Облоқул Узоқов номи берилган. Қаҳрамонимиз узоқ умр кўрмади, у 1955 йил 26 июлда 33 ёшида вафот этди. Қоратепа қишлоғида дафн этилга

---

манба: Самарқанд вилояти архив иши ҳудудий бошқармаси ахборот хизмати 

Самарқанд вилоят архив иши ҳудудий бошқармаси расмий канали https://t.me/sam_archive

---

Иккинчи жаҳон уруши қатнашчиси Элбой Қорабаев

26-04-2021 14:27   1026

Элбой Қорабаев 1917 йил 15 майда Самарқанд вилояти Иштихон туманининг Баҳрин қишлоғида деҳқон оиласида туғулган.

 Э.Қорабоев 1941 йил июл ойида қизил армияга чақирилган.  1942 йилдан     722 ўқчи ўқчи полкида автоматчилар 206-ўқчи двизияси  қўмондони бўлган.  1943 йил 25 сентябрда Пекари қишлоғида (Черкасской вилояти Каневский туман)   биринчилардан бўлиб Днепр дарёси ва плумёт оловни кесиб дарё ўзанидан кесиб ўтилган,  1943 йил 7 октябрда жангда ҳудди шу туманниг Студентский қишлоғида қимматбахо ҳужжатларни олиб, ташкилотнинг ривожланишига тўсқинлик қилган душман пулёмотини йуқ қилган.

Навбатдаги қизғин жанг Киев бусақасидаги станцияда булди, жанг вақтида рота камандири сафдан чиқди, ҳужумга ўтиш буйруғи берилганда Қорабоев ўрнидан туриб рота жангчиларини олға бошлади. Станция эгалланди. Қумондонлик Қорабоевнинг хизматига юксак бахо берди. Сержант Қорабоев Қизил юлдуз ордени билан мукофатланди.

Днепр дарёсини биринчилар қаторида кечиб ўтканлиги, душман жойлашган тепаликка хужум қилишда жасурлик курсатганлиги учун сержант Элбой Қорабоевга СССР Олий Совети Президиумининг 1944 йил 3 июндаги Фармони билан Совет Иттифоқи Қахрамони юксак унвони берилди.

Урушдан кейин сержант Элбой Қорабоев ўзининг туғилиб ўсган жойи Иштихон туманининг В.В.Куйибешев колхозида 1948-1961 йиллар колхоз раиси бўлиб ишлади. Совет Иттифоқи Қахрамони Элбой Қорабоев 1989 йил 22 августда  72 ёшида вафот этди.

---

Самарқанд вилояти архив иши ҳудудий бошқармаси ахборот хизмати

Самарқанд вилоят архив иши ҳудудий бошқармаси расмий канали https://t.me/sam_archive

---

Иккинчи жаҳон уруши қаҳрамони Исроил Мирзаев

26-04-2021 13:48   1051

Иккинчи жаҳон уруши қаҳрамони Исроил Мирзаев 1918 йил Самарқанд вилояти Нуробот туманининг  Бошқудуқ қишлоғида деҳқон оиласида туғилди. У оилада ёлғиз фарзанд бўлсада, оғир-босиқ, хушмуомила, ўйчан каттага ҳурматда, кичикка иззатда бўлиб улғайди. Мактабни тугатиб Исроил Мирзаев колхозга ишга киради.

       1939 йилда Исроил Мирзаев ҳарбий хизматга чақирилади. Ҳарбий тайёргарликни ўрганаётган вақтида кутилмаганда Финландия уруши бошланганлиги сабабли Исроил Мирзаев хизматдош дўстилари қатори жанг майдонига сафарбар қилинади. 1940 йилда уруш тугаганлиги сабабли аскарлар қатори хизмат жойига қайтарилади. 1941-йилда харбий хизматни тугатиб қишлоғига қайтмоқчи бўлиб турганида Исроил Мирзаевнинг тақдиридаги иккинчи уруш Иккинчи жаҳон уруши бошланади. Иккинчи жаҳон уруши қаҳрамони Исроил Мирзаев пулемётчи қисм жангчилари сафида Москва, Сталинград, Севастополь, Одесса, Қрим, Дон, Волга қалъаси озодлиги учун жанг қилиб Берлин остонасигача душманни тор-мор этишда қатнашади. Исроил Мирзаев жанг майдонида партия сафига қабул қилинади ва осойишта кунлар учун фашистлар устидан ғалаба қозонишига ўз ҳиссасини қўшади. Исроил Мирзаев 1946 йилда ҳаётидаги учинчи уруш Япония урушида қатнашиб ниҳоят барча машаққатларни сабр-бардош билан енгиб, ниҳоят етти йилдан сўнг ўзининг Ватанига қайтади.

          Исроил Мирзаев Иккинчи жаҳон урушида кўрсатган қаҳрамонликлари сабабли учала даражадаги “Шухрат” ордени, “Қизил юлдуз” ордени, учта “Жасурлиги учун” медали, Иккинчи жаҳон уруши ғалабасининг 20, 40, 50, 60 йиллик юбилей медаллари, “Германия озодлиги учун”, “Варшава озодлиги учун”, “Белоруссия фронти” ва “Жасорат” медалларига сазовор бўлган.

         Урушдан қайтган Исроил Мирзаев колхозга ишга кириб, жон-жахди билан ишга шўнғиб кетади. Исроил Мирзаев иш фаолияти давомида оддий пахта бригадирлигидан, колхоз раиси ўринбосари, раис, фавқулотда вазиятлар бошлиғи, хўжалик партия қўмитаси котиби каби раҳбарлик лавозимларида меҳнат қилади.

          Исроил Мирзаев меҳнатсеварлиги сабабли нафақага чиққандан кейин ҳам йўл қурилиш, мактаб, тиббиёт муассасаларини  қуради. Бошқудуқ қишлоғида хотира хиёбони ташкил этади, шаҳарлараро автобус қатновини йўлга қўяди. Шу сабабли  Бошқудуқ қишлоғидагилар Исроил Мирзаев билан фахирланиб, уни “ўзимизнинг” “герой бобо” деб фахирланишади.

Ушбу маълумот Пастдарғом туман давлат архивининг Нуробод филиали тақдим этган материллар асосида тайёрланди.

---

манба:Самарқанд вилояти архив иши ҳудудий бошқармаси ахборот хизмати

---

Самарқанд вилоят давлат архивининг 100 йиллиги муносабати билан мақола

22-04-2021 08:34   962

Овози Самарқанд газетасининг 2021-йил 17-апрел 31(3052)-сонида “Маҳфузгоҳи Маълумоти Сеасра” мавзусида вилоят давлат архиви директори Ш.Мавлоновнинг мақоласи чоп этилди.

Самарқанд вилояти архив иши ҳудудий бошқармаси ахборот хизмати

---

Самарқанд вилоят давлат архивининг 100 йиллиги муносабати билан

22-04-2021 08:28   957

Зарафшон газетасининг 2021-йил 20-апрел 46(23.482)-сонида Улар бизни 100 йилдан буён “ҲУЖЖАТЛАШТИРИШАДИ” мавзусида вилоят давлат архиви директори Ш.Мавлоновнинг мақоласи чоп этилди.
Самарқанд вилояти архив иши ҳудудий бошқармаси ахборот хизмати

---