31-08-2021 10:57 741
Bugun Qatag'on qurbonlarining merosini yanada chuqur o'rganish, ular xotirasini abadiylashtirish ishlarini tashkil etish va muvofiqlashtirish bo'yicha tuzilgan Respublika ishchi guruhining tegishli yig'ilish bayonlari ijrosini ta'minlash maqsadida bir guruh samarqandlik yoshlar Samarqand viloyat arxiv ishi hududiy boshqarmasida bo'lishdi.
Yoshlar dastlab, Samarqand viloyat davlat arxivi binosida qatag'on qurbonlarining ma'lumotlari aks etgan arxiv hujjatlari ko'rgazmasini tomosha qilishdi.
Shundan so'ng boshqarma boshlig'i A.Mamanazarov bilan mavzu yuzasidan ochiq muloqot tashkil qilindi.
Yakunda yoshlar Samarqand davlat universiteti tuzilmasidagi Qatag'on qurbonlari xotirasi viloyat muzeyiga tashrif buyurdi va ushbu maskandan joy olgan tarixir ahamiyat kasb etgan hujjatlar bilan yaqindan tanishdi.
Samarqand viloyati arxiv ishi hududiy boshqarmasi axborot xizmati
30-08-2021 15:44 655
#Mustaqillikni_30_yilligi #Taqdirlash
Joriy yil 30 avgust kuni O‘zbekiston Respublikasi mustaqilligining 30 yilligi bayrami munosabati bilan, Samarqand viloyati arxiv ishi hududiy boshqarmasida arxiv sohasida ishlayotgan bir guruh xodimlarni idoraviy mukofatlar bilan taqdirlash tadbiri bo‘lib o‘tdi.
Tadbirda arxiv sohasida qo‘p yillar samarali mehnat qilgan bir guruh arxivchi xoldimlar hamda arxiv faxriylar Samarqand viloyati arxiv ishi hududiy boshqarmasining tashakkurnomasi va estalik sovg‘alari bilan taqdirlandilar.
Shu fursatdan foydalanib Samarqand viloyati arxiv ishi hududiy boshqarmasi jamoasi nomidan Respublikamizda arxiv sohasi rivojiga o‘z hissasini qo‘shib kelayotgan barcha arxivchi xodimlarni mustaqilligimizni 30 yillik bayrami bilan muborakbod etamiz.
Kelgusida bundanda yuksak mukofatlarga erishishlariga tilakdoshmiz.
Samarqand viloyati arxiv ishi hududiy boshqarmasi axborot xizmati
30-08-2021 15:42 651
#Mustaqillikni_30_yilligi #Taqdirlash
Bugun "O‘zarxiv" agentligida Mustaqillik bayrami arafasida bir guruh hodimlarni taqdirlash marosimi o‘tkazildi.
Jumladan, Samarqand viloyati arxiv ishi hududiy boshqarmai tizimidagi Kattaqo‘rg‘on tuman shaxsiy tarkib hujjatlari davlat arxivi direktori Sh.Qodirov , Jomboy tuman shaxsiy tarkib hujjatlari davlat arxivi direktori Sh.Mamarasulov, Toyloq tuman shaxsiy tarkib hujjatlari davlat arxivi direktori S.Qosimovlar arxiv sohasi rivojiga qo‘shgan xissalari uchun "FAXRIY YORLIQ" va Agentlik direktori "TASHAKKURNOMASI" bilan taqdirlandilar.
Samarqand viloyati arxiv ishi hududiy boshqarmasi axborot xizmati
30-08-2021 14:16 720
Joriy yil 29 avgust kuni O‘zbekiston Respublikasi mustaqilligining 30 yilligi bayrami munosabati bilan Samarqand viloyati arxiv ishi xududiy boshqarmasi boshlig‘i Mamanazarov Abduvali Ablakulovich «O‘zbekiston Respublikasi mustaqilligining 30 yilligi» estalik nishoni bilan taqdirlandi.
Boshqarma boshlig‘i Mamanazarov Abduvali Ablakulovichni Samarqand viloyati arxiv ishi hududiy boshqarmasi jamoasi hamda viloyatdagi barcha arxivchi xodimlar nomidan bunday yuksak e'tirofga sazovor bo‘lganligi munosabati bilan samimiy muborakbod etib, kelgusidagi ishlariga ulkan zafarlar tilab, bundanda yuksak mukofatlarga sazovor bo‘lishlarini tilab qolamiz.
Samarqand viloyati arxiv ishi hududiy boshqarmasi axborot xizmati
26-08-2021 17:10 670
Inson uchun Vatani, ota-onasi, oilasi qanchalik muqaddas bo‘lsa, ona tili ham shunchalik azizdir. Hattoki, go‘dak ham dunyoni ona tili orqali anglaydi.
Darhaqiqat davlat tilini bilish va uni amalda to‘liq qo‘llay olish, «Davlat tili haqida»gi Qonunga rioya qilish, uni hayotga tatbiq etish, qadrlash yuksak ma’naviyat belgisi ekani haqidagi g‘oya davlat tili konsepsiyasining o‘zak-mohiyatini tashkil etadi. Qonunga binoan, o‘zbek tilini bilmaydigan fuqarolarga uni o‘rgatish va o‘qitish bepul amalga oshirilishi ta’minlangan.
Samarqand tuman davlat arxivida davlat tiliga muvofiq ravishda lotin yozuviga asoslangan yangi o‘zbek alifbosi va imlo qoidalari ham tuman davlat arxivida faoliyat olib borayotgan xodimlarga o‘qitilib borilishi uchun barcha shart-sharoitlar yaratilgan.
Xuddi shu tamoyilni amalga oshirish maqsadida, tuman davlat arxivida “Qadring baland bo‘lsin, Ona tilim” mavzusidagi davra suhbati bo‘lib o‘tdi.
Zero, barcha bilishi lozim bo‘lgan jihat shuki, Ona tili shunchaki so‘zlashuv vositasi emas, balki Vatanga muhabbat, milliy iftixor, ajdodlarga hurmat va shuning barobarida avlodlarimizga izzat ramzi hamdir. O‘z tilini asrab-avaylagan xalq o‘zligini ham asrab-avaylagan bo‘ladi.
Dilshod Kadirov,
Samarqand tuman davlat arxivi direktori.
26-08-2021 12:16 673
Shahar ko‘chalari va ijtimoiy-madaniy joylarni qayta nomlash haqida
Xalq deputatlari Samarqand shahar Soveti Ijroiya Kometiti qarori
1990-yil Samarqand
Ushbu hujjat Samarqand viloyat davlat arxivida saqlanmoqda
Fond №26
Samarqand viloyati arxiv ishi hududiy boshqarmasi axborot xizmati
25-08-2021 13:41 697
O‘zbekiston Respublikasining 30 yilligi bayramiga bag‘ishlab
“Samarkandskiy vestnik ” gazetasining 2021-yil 25-avgustdagi
67-sonida Samarqand viloyat davlat arxivi bosh arxivchisi
Egamberdiyeva Zarina Uktamovnani “Suverenitet i arxivnoye delo ”
mavzusida maqolasi chop etildi
Samarqand viloyati arxiv ishi hududiy boshqarmasi axborot xizmati
23-08-2021 15:17 649
O‘zbekiston SSR Xalq deputatlari Samarqand viloyat Soveti Prezidiumining qarori
1991-yil 21-sentyabr “Lenin yo‘li” va “Leninskiy put” ro‘znomalarining nomlarini o‘zgartirish haqida
Samarqand viloyati arxiv ishi hududiy boshqarmasi axborot xizmati
20-08-2021 10:43 680
Ona allasi-yu sheru doston ila singdirdi tanim,
Qadring baland bo‘lsin ona tilim, o‘zligim shanim
Yurtimiz mustaqilligining 30 yillik bayramini nishonlash arafasidamiz. Mustaqillik bizga hech bir tildan kam bo‘lmagan go‘zal Ona tilimiz, o‘z zabonimizni va erkimizni qaytarib berdi. Bu davr o‘zligimizni tanib olish uchun aslo kamlik qilmaydi. To‘g‘ri, shu yo‘sinda ulkan evrilishlar sodir bo‘lgani va bo‘layotganini alohida ta’kidlab o‘tish kerak. Xususan, buyuk ajdodlarimiz ruhi oldida yuzimiz ancha yorug‘ bo‘ldi. Ulardan qolgan bemisl meroslar o‘rganilyapti, tadqiq etilyapti.
Turg‘unlik davrida arxivlarga faqat hujjatlar saqlanadigan bir joy deb qaralgan bo‘lsa, mustaqillik davrida bunday qarash tubdan o‘zgarib ma’naviy boyligimiz bulog‘ining ko‘zi ochildi. Bu buloqdan faqat yurtdoshlarimiz emas, butun dunyo olimlari bahramand bo‘lishi uchun arxiv ishi va ish yuritish sohasida zarur infratuzilma yaratildi. Bu yo‘ldagi barcha ezgu ishlarning avvali Ona tilimizga ehtiromdan va o‘rnatilajak munosib munosabatdan boshlandi. Barcha arxivlarda davlat tilida ish yuritish tartibiga muvofiq faoliyat yuritilishi ta’minlanib, arxiv ish xujjatlari, peshlavhalari, so‘rov blankalari qayta ko‘rib chiqilib, talab darajasiga keltirildi. Arxiv manbalaridan foydalanish uchun mustaqil tadqiqotchilarga barcha qulayliklarga ega o‘quv zallari tashkillashtirildi.
Arxiv hujjatlarini jamlash, hisobga olish, saqlash va ulardan foydalanishda ijobiy natijalarga erishildi hamda muayyan intellektual va texnologik salohiyat shakllantirildi, Milliy arxiv fondi O‘zbekiston xalqining moddiy va ma’naviy hayotini aks ettirgan, tarixiy, ilmiy va madaniy ahamiyatga ega bo‘lgan arxiv hujjatlar bilan boyitildi.O‘zbekiston Respublikasida arxiv ishi va ish yuritish sohasida davlat boshqaruvi va nazoratini takomillashtirish, qog‘oz shaklidagi, kino, foto va fono hujjatlarini raqamlashtirish ishlari va davlat arxivlarida saqlanayotgan tarixiy davr 1917 yilgacha arxiv hujjatlarini o‘rnatilgan tartibda maxfiylikdan chiqarish ishlari amalga oshirildi.
Fuqorolarga qulaylik yaratish maqsadida arxiv hujjatlari, kitoblar va qo‘lyozmalarini raqamlashtirish (elektron nusxa olish) ishlari amalga oshirilmoqda. Arab alifbosida yaratilgan turkiy, forsiy va arabcha hujjatlardagi axborotlar bo‘yicha annotatsiya ma’lumotlarini tayyorlab berish xizmati Davlat xizmatlari markazlari va Yagona interaktiv davlat xizmatlari portali orqali ko‘rsatilishi joriy qilingan bo‘lib, arxiv ma’lumotlarini olish o‘qiganlikni tasdiqlash haqidagi arxiv ma’lumotnomasini berish, ish stajini tasdiqlash haqidagi arxiv ma’lumotnomasini berish, ish haqini tasdiqlash haqidagi arxiv ma’lumotnomasini olish ham Yagona interaktiv davlat xizmatlari portali orqali amalga oshiriladi.
Mustaqillik davrida Samarqand viloyat arxiv ishi boshqarmasi tizimida ham barcha yangiliklar joriy qilingan bo‘lib, ma’naviy-ma’riviy ishlar hamda davlat tilida ish yuritishni samarali tashkil etildi. Arxivlarda barcha tashqi va ichki yozuvlar hamda ish yuritish hujjatlarini rasmiylashtirishda davlat tili qoidalariga to‘liq rioya etilishini ta’minlash, arxivda davlat tili qonunchiligiga rioya etilishi ustidan jamoatchilik nazoratini tashkil etish bo‘yicha davlat tilini rivojlantirishga qaratilgan tadbirlar tashkil etilmoqda.
Ushbu ishlarni boshlanishiga nazar tashlaydigan bo‘lsak, Samarqand viloyat davlat arxivining 11-fondida saqlanayotgan 1991-1992 yillarda arxivida arxiv hujjatlaridan foydalanish dasturini bajarilishi haqidagi ma’lumotnomasida ushbu yillarda arxiv ish hujjatlarini o‘zbek tiliga o‘tkazish, arxiv hujjatlari asosida ko‘rgazmalar tashkil etish, radio va televideniye orqali chiqishlar qilish ishlarini bajarilish haqida ma’lumotlar berilgan.
Viloyat davlat arxivida fan, ma’daniyat, xalq ta’limi, sog‘liqni saqlash va boshqa sohalardagi ijtimoiy-iqtisodiy rivojlanish to‘g‘risida ma’lumot beruvchi hujjatlar hamda 50 dan ziyod shaxsiy fondlar mavjud bo‘lib, ular orasida harbiy mutaxassislar, yirik fan va adabiyot nomoyondalari, davlat arboblari va boshqa taniqli kishilarning hujjatlari ham saqlanmoqda.
Parazitalogiya ilmiy-tekshirish institutining professori L.M.Isayev, Samarqand davlat dorilfununining olimlari V.A.Abdullayev, I.I.Umnyakov, M.AEgamberdiyev, X.F.Chikayev, M.Abramov va shu kabi ko‘plab taniqli kishilarning shaxsiy fondlari tarixiy va madaniy yodgorliklarni aks ettiruvchi suratlar mavjud bo‘lib, bular haqida ma’lumot beradigan bo‘lsak, masalan, Markaziy Osiyodagi birinchi oliy o‘quv yurtlaridan biri bo‘lgan, M.Ulug‘bek madrasasida oliy ma’lumot olgan milliy ziyolilarning taniqli vakillari bilan bir qatorda sobiq ittifoqning Moskva, Leningrad va Kiyev shaharlaridan kelgan professor o‘qituvchilar ham faoliyat yuritgan Samarqandda 1927 yil 22 yanvarda Oliy pedagogika instituti tashkil etilganligi to‘g‘risidagi O‘zbekiston SSR Markaziy Ijroya Qo‘mitasi va Xalq Komissarlari Kengashining №19 sonli qarori Samarqan viloyat arxivining 637 fondda saqlanmoqda.
Sharof Rashidovning Samarqand davlat universiteti (avvalgi O‘ZDU) filologiya fakultetida o‘qigan davriga tegishli shaxsiy xujjatlari Samarqand davlat arxivning 637 fondda saqlanmoqda.
Hozirda istirohat bog‘laridagi charxpalakning ilk ko‘rinishlarini 1900 yillarda Samarqand ahli Afrosiyob maydonida navro‘z bayramini nishonlab, charxpalakda uchayotganligi muhrlangan foto suratda ko‘rish mumkin. Ushbu foto xujjat Samarqand viloyat davlat arxivida Polyakovning №1402 shaxsiy fondida saqlanmoqda.
1882 yilda tug‘ilib, Vatan ozodligi uchun kurashgan, Farg‘ona vodiysida eng obro‘li qo‘mondonlardan biri bo‘lgan, otryadini 15 ming kishiga yetkazgan Amir ul-Muslim-Ergash qo‘rboshi bayrog‘ining(bayroqda qo‘llar tasvirlangan bo‘lib, u yorug‘likka, oyga intilish ma’nosini beradi) foto surati Samarqand viloyat davlat arxivida saqlanmoqda.
O‘zbekiston davlat universiteti (hozirda SamDU)ning Lenin Bayrog‘i gazetasi 1933 yil 5 fevraldagi № 3 (35) soni Samarqan viloyat arxivida 637-fondda saqlanmoqda. Bularning hammasi bir tarix ushbu ma’lumotlar orqali biz o‘z tariximiz ziyolilarimizning bosib o‘tgan yo‘llari to‘g‘risida ma’lumotlarga ega bo‘lamiz.
Xulosa qiladigan bo‘lsak, arxivlarimizda o‘rganishimiz lozim bo‘lgan eski arab alifbosida, lotin alifbosida va kiril alifbosida yozilgan kitoblar, xujjatlar mavjud. Ularning har birini ona tilimizga e’tiborli bo‘lgan holda o‘rganib, avlodlarga munosib yetkazaylik. Bu esa bizning Vatanga qilgan o‘lkan xizmatimiz bo‘ladi.
Fazliddin Ulug‘ov
Samarqand viloyati arxiv ishi
hududiy boshqarmasi katta
inspektori
17-08-2021 09:43 667
O‘zbekiston Respublikasi Prezidenti matbuot xizmati
O‘zbekiston Respublikasi Davlat hukumati portali
O‘zbekiston Respublikasi Oliy Majlisi Senati
O‘zbekiston Respublikasi Oliy Majlisi Qonunchilik palatasi